СВЯТА КУПАЛЛЕ Ў ДЗІЦЯЧЫМ САДЗЕ
У разгар лета ў Беларусі адзначаюць Купалле – адно з найстарадаўнейшых народных свят, прысвечаных сонцу і росквіту зямлі.
6 ліпеня ў нашым дзіцячым садзе адбылося фальклорнае музычна-спартыўнае свята «Купалле». Гэтае мерапрыемства ладзілася з мэтай далучэння дзяцей да беларускай культуры, да нашых старадаўніх традыцый і самае галоўнае – падарыць дзецям святочны настрой.
Свята было арганізавана кіраўнікамі музычнага і фізічнага выхавання. Галоўную ролю вядучага персанажа – Купалінкі – выконвала Кадырава Зарына Мубіенаўна. У свяце прымалі ўдзел выхаванцы садавых груп. У пачатку святочнай праграмы Купалінка распачала гаворку пра гісторыю ўзнікнення «Купалля», паведала, адкуль пайшло гэтае свята, пазнаёміла дзяцей з традыцыямі святкавання, а таксама навучыла ўсіх прысутных плесці вянкі.Свята прайшло у форме квест-гульні. Дзеткі старэйшага і сярэдняга ўзросту шукалі цудадзейную папараць-кветку, выконвая заданні, удзельнічая у конкурсах і эстафетах, пераскоквая праз імправізаванае кастрышча. Кульмінацыяй свята стала ўпрыгожванне бярозак рознакаляровымі ланцужкамі.
Асобную радасць і азарт выклікалі народныя гульні-эстафеты. Дзеці весела і з радасцю ўдзельнічалі ва ўсіх конкурсах, прыемна было назіраць, як старанна бегалі навыперадкі, як імкнуліся перадаць эстафету іншым удзельнікам.
Арганізатары мерапрыемства зрабілі ўсё, каб падараваць добры настрой, радасць, весялосць, бадзёрасць, а галоўнае – пазнаёмілі дзяцей з фальклорнымі традыцыямі.
Больш падрабязна пра свята вы даведаецеся ў вокладцы "Информация о нас" https://du2rechitsa.schools.by/pages/kupalle,
